Hey folks,

Heiss isch es gsii am Frytig i dr alte Schmitte. I bi fasch usglüffe. Die Poscht isch abgange wi no sälte d’Band u z’Publikum hei sech gägesitig ufgheizt u mir hei mit Vollgas Dampf gmacht. So sötts äbe sii. Üs macht z’musige Spass, wenn wi i dr Schmitte d’Lüt vom erschte Ton a voll mitmache. Äs ganz es grosses Komplimänt a Euch alli wo üs si cho lose. Alti Schmitte zum 11te mal. U was ächt was ? Usverchouft….!!! Druckvoll het üse nöi Drummer dr Beat Galli sis erschte „ganze“ Konzärt düre groovet. U mit de 4 neue Songs hei mer äuä nid schlächt öie Gschmack preicht. Mi chlii Brüetsch – hehe – het sini Trumpete blase wi ne grosse – hey Brother – obercool.

Mir freue üs uf e nächscht Gig mit Euch – scho öppis los am Silvester?
Pur-JAM si am 31.12.2014 im Ratsstübli Thun – Hope to see you there. Müesst aber reserviere im Ratsstübli säuber.

Last but not least wette mir Edi u Eva Geissler u am Team danke dass mir geng wider dörfe zuenech cho. Das fägt eifach bi Euch.

Keep on danci’n and rocki’n and movi’n to the groovi’n…

Dänu Lüthi
PUR – JAM

Veranstalter → Alte Schmitte