Hey Lüt – das isch e super-reläxte-mega-bombe-stimmige Aabe gsii letscht Frytig z’Stäffisburg.

Zum 10te Mal hei mir i dr „Alte Schmitte“ dörfe schpile…….u üses chlyne Jubiläum mit Euch dörfe fiire. Vor 9 Jahr genau am 19.11.2004, sy mir z’erschte Mal bi Geissler’s i dr alte Schmitte gsii u de all Jahr im Novämber wider. Dass das Konzärt jedesmal scho e Monet vor em Gig usverchouft isch, macht üs stolz u zeigt üs, dass mer äuä ufem richtige Wäg si.

Zu für d’PUR – JAM ungwohnte aber super schöne Tön heimer mit Euch dörfe aastosse – Bossa Nova – u ds Beschte drbii – das isch e Eigekomposition vo üsem Dan Baumann.

Euch allne u vor allem am Edi + Eva Geissler und Crew uschaflige Dank für alls. Uf die nächschte 10 Sold-Out Gigs i dr Schmitte.

Take care u bis glii.

Dänu Lüthi
PUR – JAM

Bildergalerie → Alte Schmitte Steffisburg 8.11.2013

Veranstalter → Alte Schmitte