Feedback Badi Merligen 23.8.2014

Wow isch das wider e Party gsii. Mir si zwar e chli müed aber glücklech u zfride.
Am Namittag hei mer no zwiiflet ob bi däm Wätter de überhoupt es paar Lüt chöme…
U när – ja när heit Dir üs überwältiget. Trotz bescheidenem Wätter u chüele Temperature si über 160 Persone a üsi Blues & Rock Night uf Merlige cho. Aber di hei nid müesse friere.
Mit dene oberheisse Bläsersätz wo üse Bruno Kyburz am Sax u dr Michael Brand ar Trompete supersec hei usegföhnet, isch es gloub allne schnäll warm worde.
Dass mir üse Schlagzüger Mike Pfister nach 16 Jahr hei müesse us dr Band verabschide het weh ta u mir danke ihm no einisch für si Iisatz über all di Jahr.
Umso schöner isch es, dass mir mit em Beat Galli e druckvolle, viusitige Drummer hei chönne für üs gwinne. Är het e super Start häregleit u zäme mit em Stalyn am Bass isch üsi Rhytm Section jitz perfekt bsetzt.
U denn isch z‘ Highlight cho: Wo mir „Liebe Siech“ vom Polo Hofer aagstumme hei, chunnt dr Meischter höchschtpersönlich zu üs uf d’Bühni u singt mit – u nid nume bi däm, nei o bim „rote Wy“ u „Stets i Truure“
het är mit üs on stage Gas gäh.
Polo – mir si stolz, dass Du u d’Alice bis zletscht a üsem Gig sit drbii gsi – mir hoffe das gits no meh.
Jerry, Roselyne, Lionel, Ramon, Yolanda, Barbara, Hanspeter u wär süsch no alles het ghulfe – e härzliche Dank.
We z’nächscht Jahr öpper anders ds Badibeizli füehrt wärde sis schwär ha, a d’Qualität vo dr Familie Adrichem häre z’cho.
Anyway, mir hoffe mir dörfe nächschts Jahr wider für Euch alli z’Merlige spile – eifach de bitte bi chli schönerem Wätter.

See you…..

Dänu Lüthi / PUR-JAM

Bildergalerie → Badi Merligen 23.8.2014

Veranstalter → Seebad Merligen


Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

*

*