Liebi PUR-JAM Fründe,

Mou Dir läset richtig – Long time no see…….
Ä länge u für üs aus Band o musigloose Herbscht u Winter lige
hinger üüs. Am 23. Ouguscht letscht Jahr hei mir z’ letschtä
Konzärt  gä bi dr MG in Amsoldingen.

Leider het ufgrund vo re notwändige Schulter-Operation bi üsem
Drummer o dr gschichtsträchtig Chlouserock im Chrüz
Allmendinge müesse usfalle – het üs allne weh ta u danke no eis
für Eues Verständnis u ou das vo Mosers Claudia u Tom.
Aber wi seit me so schön: Gsundheit geit vor.

Jitz u hüt hei mir aber «Good News» üse Drummer Beat Galli isch wider fit u chüblet wi früecher uf sym Drum ume. U was heisst das?
Es isch Zyt wider eis ab z’rocke………..

Hey you – save the date: Am Samschtig 24. Mai 2025 i dr Halle
am Riderbach z’Oberhofe gits PUR-JAM pur.
Ds Chrüz Oberhofe mit em Edu Kartal wird üs kulinarisch
verwöhne u drnah geits ab uf d’PUR-JAM Party.

Restaurant Kreuz Oberhofen präsentiert:
PUR-JAM in concert
Samstag 24. Mai 2025
Halle am Riderbach – Oberhofen am Thunersee
Türöffnung 18 Uhr – Apéro / Barbetrieb mit DJ
Konzertbeginn 20 Uhr
Eintritt ab 18 J. – CHF 20.00
Nachtessen (Menüauswahl) in der Halle am Riderbach durch das Restaurant Kreuz Oberhofen
Ticketvorverkauf und Tischreservation im Kreuz Oberhofen
Tel. 033 243 26 28 – info@kreuzoberhofen.ch
www.kreuzoberhofen.ch

Mir zelle uf Euch – Let’s rock with PUR-JAM / Dänu Lüthi