Liebi PUR – JAM Fründe,
Lang nüt meh gehört vo üs? Das söu sech ändere…
Ja es isch scho wider meh als 5 Monet här wo mir z’alte Jahr mit ere Mega Silvesterparty bim Reto Bürki z’Thun im Ratsstübli hei verabschidet. Zäme mit em Altmeischter Polo Hofer u am Sandro Häsler a dr Trompete hei mir am BEKB Fyrabeträff vom 20. Januar e Huufe Komplimänt dörfe entgäge näh. D’Fotos vo beidne Gigs chöit dir i üsere Fotogalerie ga luege:
Silvester Ratsstübli 31.12.2014
U de hei mer e Pouse bruucht… aber nid zum löie – nei zum z’Repertoire für d’Gigs 2015 z’modifiziere u ii z’üebe. Jitz sitzt das Züüg u es het einigi neui Songs drunder. Gwunderig – auso chömet cho lose. Üses Konzärtprogramm findet Dir z’vordersch uf dr Website u villicht chunnt dert ja de no dr eint oder anger Gig derzue. Uf all Fäll isch ou d’Badi Merlige dank der nöie Pächterin vom Ahoi Beizli dr Vroni Fürst, wider im Programm – merci viumau.
Jitz si mer aber zersch mal „giggerig“ uf üse nächscht Gig im Campagna z’Bälp bi Wütrich Willy – a dere schöne grüene Aare – wi dr Endo so schön singt… You’ll be surprised… Come by and see!
Es gilt: wär ender isch het dr besser Platz – oder ässet doch no grad öppis feins de chöit dr e Tisch reserviere.
Mir fröie üs uf Euch und wünsche nech bis denn e gueti Zyt.
See you a dr Aare…
Rockig- bluesig-funkigi Grüess
PUR – JAM / dl