Liebi PUR-JAM Fründe
Syt em 25.7.2020 hei mir keni Konzärt meh dörfe gäh… u syt em Oktober 2020 hei mir o nümme zäme chönne probe.
Jitz sy mer syt Ändi Mai wieder am Üebe u es macht richtig Schpass.
Mir hoffe es geit Euch allne guet u Dir heiget die Event- und Gig-lose Mönet xung überschtande.
Üsi Blues- u Rocknight i dr Badi Merlige cha us Platzmangel ou das Jahr nid i dr Badi Merlige stattfinde. Drum tüe mir das Konzärt wie z’letscht Jahr wieder i ds Bedli Gunte verlagere. Auso Lüt, äs isch Summer u Zyt für di 13. Blues & Rocknight mit PUR-JAM im Bedli z’Gunte.
Wo: Strandbad Hirschen, Seestrasse 82, 3654 Gunten
Datum: Frytig 27. August 2021
Zyt: ab 18.00 – 01.30 Uhr
Konzärt ca. 19.30 – 23.30 Uhr
Tickets: a dr Abekasse z’choufe
Reservatione: per E-Mail bedli-gunten@gmx.ch
Eintritt: Fr. 20.- (Kinder bis 16 Jahre gratis)
Maximale Teilnehmerzahl 500
Maskenpflicht in WC und Garderobe
Keine Kontaktdatenerfassung
Kein PCR-Test oder Impfzertifikat erforderlich
Parkplätz hets bim Hirsche oder im Riedli hinde u d’Bushaltstell isch grad bim Bedli.
Viele Dank im Voruus am Bedli Pächter Urs Leuenberger & Team dass mir üses Jahres Highlight bi Euch i derä coole Location dörfe dürefüehre. Freue üs uf nes guet gfüllts Bedli u druuf das mer’s ume eis so richtig chöi la chrache.
See you am See…u vergässet d´Badhose nid!
Rockig- bluesig-funkigi Grüess
PUR – JAM / dl
