Liebi PUR-JAM Fründe!
Ä längi und schwierigi Zyt isch es gsy vom Jänner bis jitz….
Mir hoffe es geit Euch allne guet u Dir heit die Event- und Gig-lose Mönet xung überstande.
Jitz isch es zum Glück – so schynts ömu – ziemlich überschtande. Gsundheitlech z’mingscht
U de Gigs? Zersch hei mer gmeint die Blues- u Rocknight i dr Badi Merlige chönn das Jahr nid stattfinde.
Aber mir hei e super Lösig gfunde das mer o das Jahr am See chöi schpile.
Im Gunte-Bedli hei mer gnue Platz dass me di 1,5m Distanz problemlos cha iihalte.
Auso zügle mer dä Event das Jahr usnahmswys uf Gunte.
Äs isch Summer u Zyt für di 12. Blues & Rocknight mit PUR-JAM äbe usnahmswys im Bedli Gunte.
Wo: www.bedli-gunten.ch
Wenn: Samschtig 25.7.2020 ab 19:00 Uhr
Eintritt: Fr. 20.- (Kinder bis 16 Jahre gratis)
Infotelefon 079 228 24 18 (Urs Leuenberger)
Parkplätz hets bim Hirsche oder im Riedli hinde u d’ Bushaltstell isch grad bim Bedli.
Im Bedli hets o gnue Sitzplätz für die wo lieber höckle – Äs risst nech de scho vo dä Schtüehl.
Viele Dank im Voruus am Bedli Pächter Urs Leuenberger & Team dass mir üses Jahres Highlight
bi Euch i derä coole Location dörfe dürefüehre.
Mir freue üs uf nes guet gfüllts Bedli u druuf das mer’s ume eis so richtig chöi la chrache…
See you am See…u vergässet d´Badhose nid!
Rockig- bluesig-funkigi Grüess
PUR – JAM / dl